Բիզնես Պլանների Ներկայացում՝ Բիլդ և Ստարտ ռեզիդենտներ

2020թ-ի հուլիսի 20-22-ը տեղի կունենա ԻՐԻՍ բիզնես ինկուբատորի Բիլդ և Ստարտ ռեզիդենտների բիզնես պլանների ներկայացման միջոցառումը։ Սա երկրորդ անգամ է, որ վերջիններս ներկայացնում են իրենց բիզնես գաղափարները ժյուրիին, որը կազմված է Ավստրական Կարմիր խաչի, Հայկական կարիտասի և ՓՄՁ համագործակցության ասոցիացիայի ներկայացուցիչներից, ինչպես նաև արդյունաբերության համապատասխան ոլորտի ներկայացուցիրներից։

Առաջին անգամ վերջիններս ներկայացրել էին իրենց բիզնես գաղափաները փետրվար ամսին, երբ ժյուրիի կողմից 70 մասնակիցներ իրենց բիզնես գաղափարներով ընտրվեցին և հրավիրվեցին մասնակցելու ԻՐԻՍ ակադեմիային։ Ակադեմիայի ընթացքում փորձագետների օգնությամբ վերջիններս մշակեցին իրենց բիզնես պլանները և ներկայումս ներկայացնելու են հենց բիզնես պլանները։

Այժմ մասնակիցներին կտրվի 15 րոպե ներկայացնելու, քննարկելու և մանրամասնելու իրենց բիզնես պլանները, որին կհաջորդի հարցու պատասխան՝ հնարավորություն ընձեռելով ժյուրիի անդամներին հասկանալու, թե որքանով են մասնակիցները ճիշտ ընկալում իրենց բիզնես պլանները։

Հաղթող ճանաչված լավագույն բիզնես պլանների իրականացման համար կտրամադրվեն ֆինանսական և/կամ տեխնիկական աջակացություն։